‘Ema moris loos nia hanoin mak loos’. Proverbiu 12:5

Ita nia hanoin dalaruma servisu diak ba ita ou bele mos kontra ita. Wainhira ita nia hanoin servisu diak, ida nee ajuda tebes ita atu nafatin hanoin positivu, ita bele too ita nia objetivu, no halo ita haksolok loron-loron. Maibe wainhira ita nia hanoin kontra ita, ida nee bele halo ita nia hanoin ladiak ou negativu no laiha korazen, tahan ita nia aan, no kauza ita hodi hanoin buat nebee ladiak ba ita nia aan. Nunee treinu ita nia hanoin atu servisu diak ba ita duke kontra ita.

Maneira importante ida atu halo ida nee mak foti desizaun ho intensionalmente nebee maka sei halo ita hanoin positivu- iha termu fe no laos tauk. Agora, ita nia kakutak sei labele kumpri servisu ida nee iha tempu kalan. Dalaruma ita husu atu halao transformasaun radikal, no ida nee presija tempu. Maibe ita nia perseveransa no Maromak nia tulun mak determina ida nee, duke ita nia hanoin kontra ita, ita nia kakutak sei servisu ba ita no ida nee sei sai ita nia forsa positivu iha ita nia moris

Dr Caroline Leaf, kognitivu neurosientista ida, aponta katak ita nia kakutak presija tinan barak atu krese, no presija tempu barak au sai maduru. Labele lakon pontu ida nee! Iha momentu nebee ita moris orgaun hotu-hotu iha ita nia isin forma ona no sei sai boot hanesan ita nia isin krese, tuir lolos ita nia kakutak presija tinan 25 nia laran atu dezenvolve. No wainhira  ida forma hotu ona, ida nee sei kontinua maduru too ita mate. Ida nee signifika katak mezmu ita sai boot (idade), maibe ita nia kakutak nafatin iha kresimentu. Ida nee novidade diak, tanba nee signifika katak metin iha pensamentu antigu nebee lalos. Ita nia kakutak nafatin maduru, nebee dehan katak ita sei bele hadia ita nia pensamentu.

Hanesan Biblia hatete, Ema moris loos nia hanoin mak loos’.

Hahan Ba Klamar : 2 Pedru 1-3, Joao  4:27-38, Salmu 87, Proverbiu 24:1-4