‘Foo atensaun wainhira lee Maromak nia liafuan’. 1 Timoteo 4:13
Saida mak ita lee no estuda ita sei sai hanesan nee. Wainhira ita lee livru nebee diak, ita sei mantein lialos sulin iha ita nia fuan no hanoin.
(1) Lee nee halo prevensaun ba diskusaun nebee la produtivu. Ita presija nafatin prontu hodi fahe ita nia fe no servi ema seluk nia nesesidade. Serake ita bebeik tuur hamutuk iha ema nebee koalia barak nia sorin? Dalaruma ema nebee gosta los koalia lapresija buat nebee signifikan atu foo sira energia. Sira koalia hodi nunee evita silensiu; wainhira iha livru iha ita nia liman, ida nee bele resolve problema.
(2) Halo lista ba livru sira nebee mak ita hakarak lee kada fulan. Ida nee prrevensaun ba desizaun nebee la prudente iha momentu nebee ita sente baruk, tentasaun ou sente kolen. Iha inisiu tinan foun, ita presija hili livru hamutuk 52 nebee mak ita hakarak lee iha tinan 1 nia laran- livru 1 kada semana. Lee pagina 20 kada loron sei lori ita lee pagina 140 kada semana.
(3) Lori livru wainhira ita halo viajen. Mezmu iha viajen nebee badak maibe ita sei bele foti buat balun ba ita nia moris: ita bele mehi, fokus, no planu. Wainhira Paulo akompanha Timoteo nia hakarek: ‘Duarante hau seidauk too baa, o tenki foo aan hodi lee Maromak nia Liafuan ba sarani sira, hanorin didiak sira, I foo hanoin ba sira para halo tuir. Uluk responsavel sarani sira harohan hodi tau liman ba o nia ulun. Momentu nee, sira foo tutan Maromak nee, sira foo tutan Maromak nia lia menon kona ba o nia knaar, I Maromakmos foo kbiit ba o para o bele halo knaar nee ho diak. Agora, uza lolos kbiit nee. Halo buat sira nee hotu ho badinas, ho laran tomak, para ema bele haree katak o lao ba oin.’ (1 Timoteo 4:13-15)
Livru dahuluk nebee mak ita presija lee mak ita nia Biblia-no ida nee livru ida nebee ita presija lee bebeik. Maibe lee mos livru sira seluk, tamba Maromak mak huun ba matenek no konhesimentu hotu. Salomau nia kuotasaun: ‘Matenek klean mak importante liu, nunee hetan matenek klean, no iha buat hotu nebee o hetan, o tenki hetan kompriensaun.’ (Proverbiu 4:7)
Hahan Ba Klamar : Naum 1-3, Joao 4:39-54, Salmu 41, Proverbiu 24:5-6