Ekipa SAR koko esforsu atu dudu kareta truck nebe baku fila iha tahu laran, nebe kauza husi udan bo’ot, rai halai no inundasaun iha Kokkayar, nasaun parte Kerala, Índia, Domingo, 17 de Outubro de 2021.
Ema nain 18 mate iha loron ida hafoin udan bo’ot tun iha aldeia no halo inundasaun iha nasaun parte Kerala, India do Sul.
Ajensia Notisias Press Trust of India (PTI) relata, cita autoridade sira nebe hateten ekipa resgate (tim penyelamat) hetan mate isin iha distritu rua nebe akontese udan bo’ot makas, Kottayam no Idukki iha nebe kauza rai monu.
Iha loron Sábadu (16/10), bainhira udan komesa bo’ot, reportajen televizaun hatudu ema sira nebe esforsu atu ultrapassa bee nebe sae to’o hirus matan hodi salva passajeiru sira husi bus nebe kuaze atu mout husi korente be’e nian nebe nakonu iha estrada laran.
Ministru-chef do estadu, Pinarayi Vijayan, husu populasau sira iha loron Domingo atu kuidadu teb-tebes maskee udan bo’ot komesa reduz. Nia aumenta tan katak liu campo refujiadus 100 mak hetan ona ajuda.
Primeiru Ministru Narendra Modi hateten nia koalia ona ho Chefe Estadu ne’e no aumenta tan katak parte autoridade servisu makas hela atu salva sira nebe mak afetadu dezastre ne’e.
“Hau orasaun ba ema hotu nia seguransa no moris diak, “dehan nia iha postajem iha Twitter. [mf]