‘Sasukat nebee imi uza ba ema seluk, sei uza fali sasukat nee ba imi’ Mateus 7:2

Se ita ema ida nebee mak halo julgamentu, hanoin didiak konaba prinsipiu rohan laek ida nee: saida mak ba sei fila fali mai. Jesus hanorin nafatin Nia eskolanti sira dehan, ‘Labele foo sala ba ema, atu nunee Maromak la foo sala ba o. Imi tetu imi nia sala oinsa, Maromak sei tetu imi nunee. I sasukat nebee mak imi uza bae ma seluk, Maromak sei uza fali sasukat nee ba imi.’(Mateus 7:1-2) ida nee hanaran lei visi-versa. Ida nee serteja duni katak saida mak ita sei hetan nee mai hhusi buat nebee ita foo ona. Ida nee laos ameas; ida nee lei ida nebee ita labele muda, hanesan mos ho gravidade.

O hatete, ‘Hau onestu; hau so hatete hanesan nee duni. Iha parte seluk, ema nee nia sala presija loke sai!’ Ida nee laos konaba ita nia onestidade ka sira nia pekadu, ida nee konaba Nai Maromak nia liafuan nebee bandu atu julga ho laran makerek ou kondenasaaun. Dalaruma ita loos no dalaruma mos sira sala, maibe julga ho maneira kondenasaun no laran makerek ida nee ita viola Eskritura. Liu tan ida nee karik ema mak julga ita. Pergunta: oinsa se ema nee arepende ona, konfesa sira nia sala, no hetan Nai Maromak nia perdaun? Hanoin took konaba ida nee: tipu julgamentu nebee aat los nee mak kondena sala nebee Nai Maromak foo perdaun no haluha ona (haree iha Isaias 43:25). Wainhira ita julga ho laran makerek, ita tama iha diresaun nebee sala. Ita koko hadook aan husi buat nebee ita lakohi atu haree—ita nia frakeza sira. Jesus hatete, ‘Nusaa mak o haree ai-luruk iha ema seluk nia matan, maibee ai kabelak nebee taka o nia matan rasik, o la sente?’(Mateus 7:3) ‘Foer’ saida deit mak iha sira nee Nai Maromak responsabilidade— laos ita boot nian. ‘Ai kabelak’ nebee iha ita nia matan nee mak ita nia responsabilidade!

Jesus mos hatete, ‘Ema sira nebee mak hatudu laran diak ba ema seluk, sira hetan bensaun, tanba Maromak sei hatudu Nia laran diak ba sira.’(Mateus 5:7) duke kondena ema seluk, diak liu investe iha ita nia ‘konta mizerikordia’ rasik. Ita sei presija ida nee iha tempu badak nia laran.

Hahan Ba Klamar:  Zepania 1-3, Joao 6:1-24, Salmu 85, Proverbiu 24:11-14