‘Moises lakohi ema konsidera nia hanesan liurai Ejitu nia bei-oan, maski liurai nia oan feto mak hakiak nia desde kiik’. Ebreu 11:24

Moises nia moris hatudu sai pontu haat nebee ita tenki kaer metin atu nunee bele susesu iha ita nia moris. Primeiru: ita tenki hatene sse mak ita. ‘Moises, wainhira nia boot, nia rejeita atu sai oan mane husi liurai Faraun nia oan feto.’ Moises ema Ebreu ida maibe nia boot no sai sidadaun Eziptu liu husi liurai Faraun nia oan feto. Mezmu Moises hetan previlejiu hanesan liurai nia oan mane iha Faraun nia reinu, maibe Nai Maromak bolu nia hodi kontra hasoru nia familia no liberta Nai nia povu no lori sira sai husi Eziptu. Nunee, nia tenki hili: ‘Saida mak hau sei halo ho hau nia moris? Hau laos ema ida nebee sira hanoin.’ Moises iha moris nebee diak ona iha palasiu, no nia bele kontinua hela iha nebaa.

Saida ita tenki halo? Moises halo desizaun nebee ke loos, maibe ida nee signifika atu uza ninia moris iha rai fuik maran duran tinan 80. Ita ida-idak tenki identifika ita ida-idak nia identidade. Ita hotu iha nesesidade no deseju nebee klean hodi simu ita nia aan. Koko atu sai ema seluk nee hanesan dalan ida nebee lalais liu atu hetan bisur (borok) tanba ida nee tau ita iha presaun nia okos. Moises rekonese ninia hirus/ nervozu no nia deside lakohi subar. Ita sei senti liberdade wainhira para husi esforsu sira nebee koko atu sai ema seluk, no simu Nai Maromak nia planu iha ita nia moris.

Serake ohn loron ita sei hanoin nafatin Moises karik nia hela nafatin iha Faraun nia palasiu? Karik hanesan sidadaun Eziptu ida Moises nia isin lolon daruma tau iha muzeun i dalaruma mos lae liu. Maibe nia halo desizaun nebee difisil tebes, no husi Maromak nia perspektiva ida nee mak liu ona. Aprende husi nia!

Hahan Ba Klamar: Exodu 34-29-35, Markus 9:2-27, 2 Korintu3:7-18