‘Nia laran metin ba aban bain-bainrua’.Ebreu 11:26

Terseiru: ita tenki determina ita nia prioridade. ‘Iha tenpu nebaa ema hatete aat nia tanba nia laran metin ba Kristu, Ema nebee Nai Maromak promete ona hori uluk atu haruka mai. Maibee Moises konsidera terus ida nee folin liu fali riku soin rai Ejitu nian tomak, tanba nia laran metin atu aban-bainrua Maromak foo fali buat nebee diak liu tan ba nia.’ Iha momentu nebaa nasaun sira nia rikusoin barak mak rai hela iha Egiptu. Nunee Moises iha ona saida mak ema barak buka iha sira nia moris, sira atu hetan: popularidade, haksolok no sasan nebee sira hakarak iha (rikusoin). Nai Maromak husu nia atu halo buat nebee importante liu—no nia halo duni.

Ida nee kestaun prioridade. Moises ho fasil tebes rasionaliza, ‘Situasaun atan nebee aat los, ho nunee hau sei hela nafatin iha nebaa no servisu hodi halo reformasaun.’ Barak husi ita mak hakarak ema gosta, maibe iha problema boot ida konaa popularidade: ida nee sei la aguenta kleur. Ita bele sai estudante melhor iha eskola, maibe wainhira ita fila fali depois de gradusaun tinan balu nia laran, ita sei haree katak sei laiha ema ida mak konsidera ita nudar ema espesial tan. Ida nee ksolok. Ksolok ida nee sala? Ida nee lasala duke pekadu.

Depois konaba buat nebee ita nian (sasan). Laiha saida ida wainhira ita riku iha material. Ema balun iha Biblia nebee mak riku tebes, inklui mos Abraao no Salomao. Maibe Jesus hatete, ‘Kuidadu! Matan moris neon nain, para imi labele kaan ema nia sasan. Tanba ema nia moris ladepende ba nia rikusoin.’ (Lukas 12:15)

Rikusoin sei la ksolok. Husu ba ema nebee mak iha rikusoin, ‘Osan hira mak presija hodi halo haksolok?’ Resposta: ‘Uituan tan!’ Osan nee atu uza—laos atu hadomi! Nai Maromak hakarak ita uza sasan no hadomi ema. Maibe karik ita hadomi sasan no ikus mai ita sei uza deit ema. Moises iha nia prioridade nebee loos; nia devalua material sira tanba iha buat seluk nebee mak importante liu iha nia moris—mak, Maromak nia vontade!

Hahan Ba Klamar: Ezra 3-5, Joao 6:35-51, Salmu 127, Proverbiu 24:19-22