‘Nia latauk liurai nia hirus, tanba nia hanesan haree tiha ona Nai Maromak’. Ebreu 11:27

Kuarto: ita tenki iha perseveransa wainhira ita nia moris hetan difikuldade. Ita bele rezumu Moises nia moris ho liafuan rua: ‘Nia iha perseveransa.’ Ida nee faktu moris nian katak laiha vantagen sem sakrifisiu, laiha avansamentu sem difikuldade, laiha progresu sem problema. Moises komprende katak difikuldade sempre mosu iha ita nia moris, no nia hatene oinsa atu responde ba buat sira nee ho diak no lao nafatin ba oin. No ita tenki aprende hodi halo ida nee mos.

Nudar ema nebee tuir Jesus, tuir lolos ita labele husik problema halakon ita; duke, husik buat sira nee lori ita besik liu ba Maromak. Ema ida hatete katak ita labele husik problema halo ita monu—eseptu ita monu ho hakneak hodi halo orasaun! Nai Maromak permite situasaun espesifiku akontese iha ita nia moris atu nunee ita krese liu tan. Sem perseveransa ita sei labele lao dook. Atensaun ba liafuan ida nee: ‘Liu husi fiar…nia iha perseveransa.’ Fiar iha saida? Fiar ba see? Fiar iha Maromak! Iha nee ita lakoalia konaba oinsa mak ajuda aan bazeia ba isin nia hakarak. Lae, ita koalia konaba faktu nebee wainhira Nai Maromak bolu ita atu halo servisu ida, Nia sei prepara buat hotu no hakbiit ita. Nia lao uluk ita (iha ita nia oin) no fornese buat hotu nebee ita presija. Wainhira ita hatete sim ba Nai nia planu iha ita nia moris, ita bele haree nia promesa: ‘Ita hatene katak, ba ita nebee hadomi Maromak, saida mak akontese iha ita nia moris, Maromak uza buat sira nee hotu ba ita nia diak. Maromak bolu ona ita sai Nia ema, tuir Nia planu rasik.’ (Roma 8:28)

Nunee ita tenki

(a)        hatene se mak ita;

(b)        foti responsabilidade ba ita nia moris;

(c)        determina ita nia prioridade sira;

(d)       nafatin iha perseveransa wainhira moris hetan difikuldade.

Karik ita moris tuir lialos iha Biblia, ita sei hamoris moris nebee mak Nai Maromak foo bensa.

Hahan Ba Klamar: Ezra 6-8, Joao 6:52-71, Salmu 114, Proverbiu 24:23-25