‘Ho fuan nebee agradese hasae orasaun’. Filipi 4:6

Rachel ho Jim iha edifisiu komersial ida, sorin husi edifisiu nee Jim uza hodi halo pratika dental. Durante tinan 15 nia laran sira laiha difikuldade konaba aluga fatin sorin husi edifisiu nee, nebee mak foo osan extra hodi selu sira nia resivu. Depois sira lakon ema nebee aluga sira nia fatin, no agensia konaba propriedade ida foo hatene ba sira, ‘Haluha tiha deit konaba atu halo promosaun iha tempu badak nia laran-laiha ema ida mak sei aluga fatin nee.’ Atu halakon stress Rachel hahuu ba iha pisinan lokal YMCA nian.

Iha loron ida wainhira nia sente laran susar, nia deside hodi halo orasaun ho alfabetu iha momentu nebee nia nani hela no hodi sura total nani haleu pisina dala hira. Nia fokus ba iha adjetivu hodi deskreve Nai Maromak hahuu husi letra A. Ita mak Maromak nebee boot ‘Almighty,’ nia halo orasaun durante sirkulu ida. B. ‘Maromak nebee diak tebes/benevolent,’ ‘Maromak abundante/bountiful,’ nia halo orasaun ba iha sirkulu tuir mai. Depois C, ‘Maromak nebee kuidadu, kreativu no bele halo buat hotu /caring, creative, can-do.’

Too nia kompleta sirkulu 26, oras balun nia laran nia lakon ona nia sentimentu tauk. Nia hatene katak Nai Maromak sei fornese buat hotu.

Lakleur tan ema fisioterapi ida telfone nia hodi husu konaba edifisiu nee tanba ba nia haree sinal ‘Aluga’ no nia husu atu ba haree edifisiu nee. Ida nee tuir lolos saida mak nia hakarak, nunee Rachel ho no Jim foo aluga fatin refere. Rachel nafatin halo orasaun wainhira nia nani haleu pisina nee. ‘Depois de ida nee,’ nia hatete, ‘Hau deskobre ona Nai Maromak nia diak tomak husi A too Z.’

Ohin loron ita preokupa konaba buat ruma? Iha nee opiniau diak ida: ‘Labele preokupa konaba saida deit. Maibe iha situasaun saida deit, halo orasaun husu Nai Maromak nia tulun. I bainhira imi husu, keta haluha foo agradese ba Nia. Bainhira imi halo nunee, mak Maromak sei halo imi nia laran hakmatek. Hakmatek nebee Nia foo nee, ita ema sukat la too. Ho hakmatek nee, Maromak sei kuidadu imi nia neon ho laran para imi labele preokupa ona, tanba imi Kristu Jesus nia ema.’ (Filipi 4:6-7)

Hahan Ba Klamar: Ezra 9-10, Joao 7:1-13, Salmu 104:1-18, Proverbiu 24:26-27