Ita hakarak hatete ba foho ne’e: “hi’it sa’e tiha no soe tiha ba tasi,” ne’e sei akontese duni. Mateus 21:21 BSB

Jesus hatete: ema sé de’it ne’ebé hatete ba foho ne’e, “ó tenke hasai tiha no soe tiha ba tasi”, no nia la dúvida iha nia laran, maibé fiar katak buat ne’ebé nia hatete sei sai loos, nia sei hetan saida de’it ne’ebé nia hatete. Hau hatete lo-loos ba imi, see deit mak haruka foho ida nee muda ba iha tasi laran, foho nee sei muda duni. Naran katak nia laran metin ba buat nebee nia husu, i la duvida. Nee duni Hau hatete ba imi, bainhira imi husu saida deit liu hosi orasaun, imi tenki fiar katak imi sei simu. Se imi fiar nunee mak imi sei hetan duni. (Marcos 11: 23-24)

Iha tempu ne’ebá, Jesus la muda foho ruma durante Nia hala’o serbisu ka haklaken, nia ko’alia saida kona-ba ne’e? Problema ne’ebé ita hasoru iha ita-nia moris! No buat ne’ebé importante: nia ko’alia dala ida de’it kona-ba ita-nia presiza “fiar”, no dala tolu kona-ba ita-nia presiza atu “ko’alia” Ninia liafuan. Tanbasa? Tanba se imi la iha fiar ne’ebé natoon atu muda imi-nia ibun no ko’alia Maromak nia liafuan, imi sei la iha fiar ne’ebé natoon atu muda imi-nia foho!

Bíblia hatete: ‘fiar mai husi rona, no rona husi Maromak nia liafuan. (Roma 10:17)

Buat furak ida-ne’ebé akontese kuandu ita ko’alia Maromak nia liafuan, ne’e lori rezultadu di’ak. Kuandu ita rona ida-ne’e, ita-nia hanoin sai foun, no buat ne’ebé Maromak hatán ba ita-nia fiar sai buras iha ita-nia laran. No kuandu imi kaer metin ba fiar ne’e, la sees, no kontinua ko’alia kona-ba Maromak nia liafuan, foho ne’e hahú muda iha imi-nia moris.

Se ita ko’alia nafatin buat ne’ebé ita hanoin no sente iha ita-nia neon, foho ne’e sei hamriik nafatin hanesan buat ne’ebé ita hanoin. Maibé kuandu imi hamriik metin iha Maromak nia promesa no dehan: ha’u la hatene oinsá ka wainhira, maibé ha’u hatene katak foho ne’e sei la’o sees no muda hodi Jesus nia naran, imi-nia foho sei muda!

Aihan ba klamar 1 Krónika 1-2, João 7:45-53, Salmu 9, Prov 24:30-34.