Maromak hili ona imi atu hela iha imi-nia leet. 1 Joao 2: 27

Liafuan unjidu ne’e katak atu fakar no kose mina iha laran. Iha testamentu tuan, amlulik ida kose mina ba nia ulun, hodi reprezenta Maromak nia espíritu hela iha nia, hodi hala’o ninia knaar loron-loron.

Agora ba oin ita moris hela iha tempu ne’ebé loos no lee fila-fali: Unsaun ne’ebé ita simu ona husi Nai hela metin iha ita. Liafuan “hela-metin” Ne’e katak rezidénsia iha ne’ebá. Ne’e duni, ita mak fatin ida ba Maromak nia espíritu. No kuandu nia espíritu hela iha ita     nia laran, ida-ne’e afeta ba área hotu iha ita nia moris. Hanoin to’ok rezultadu di’ak husi unsaun ne’e, bainhira mai ba ita-nia relasaun, serbisu, saúde, desizaun, susar, kaben, no ministériu. Hanoin to’ok kona-ba saida mak ita sei halo kuandu ita hasoru problema barak. Liutan ne’e, Maromak nia espíritu Santu ne’ebé “hela” iha ita mak nakfila aan ba ema seluk. Kuandu ita ko’alia kona-ba liafuan laran-di’ak no laran-manas husi bíblia ba ema ida, liafuan sira-ne’e sei iha serbisu kleur depois ita la iha ona tanba liafuan sira-ne’e kona Maromak nia oin.

Iha Salmu 23:5b Daví hatete: Ó kose hau nia ulun ho mina. Hau nia kopu nakonu no naresin. “Naresin nee katak fakar ba belun, familia, kolega no ema ne’ebé ita la koñese.

Salmista dehan: ha’u sei hetan unjidu ho mina foun.'(Salmu 92:10)’. Dadeer-dadeer bainhira ita hadeer, halo orasaun, ‘Na’i, unji hau ho mina foun ba loron ohin. Tuirmai ba unji ema seluk hodi unsaun ne’e!

Aihan ba klamar: 1 Krónika 3-5, João 8: 1-20, Salmu 96, Prov 25: 1-7.