‘Bainhira o hirus, o keta halo sala, keta husik to’o loron matan monu. ‘Efésios 4:26 NLT

Primeira mensaun hirus nian iha Biblia Sagrada mak bainhira Kain sai hirus makas ho nia alin Abel nune’e Kain oho nia alin. Infelizmente iha ita nia rai ida ne’e ema kontinua oho ema seluk tamba hirus.

Hirus laos deit oho ema seluk, maibe mos bele oho o nia an rasik. O Dr. Redford Williams, Professor de Psiquiatria e Ciências do Comportamento iha Duke University, hateten: inimigu malu no hirus ne’e ligadu ho komportamentu tipu-A mak prinsipais kontribuisaun ba moras fuan.” Ema sira nebe luta kontra sira nia hirus, dala lima possibilidade sofre moras fuan cardíacas, no ema sira nebe iha moras fuan, liu dala rua hetan risku ataka fuan bainhira sira hirus.’

Konserteza, iha diferente entre hirus makas no hirus nebe lalais deit. Iha labarik feto ida nebe husu ba nia apa hodi esplika diferensa sira ne’e. Entaun nia komesa telefone no husik nia oan feto rona, bainhira ema seluk simu telefone, nia hateten, ‘Hallo. Seraque Melvin iha neba?

Ema ne’e hatan, ‘Laiha ema ida mak naran iha ne’e Melvin. Tamba sa o la hare didiak lai numeru mak telefone?’

Nia apa hein oituan, no kontinua telefone fali numeru ne’e. ‘Hallo. Seraque Melvin iha neba?

Mane ne’e hakilar, Hau foin lalais dehan ona laiha Melvin iha ne’e! keta telefone tan numeru ne’e!’ no nia riba telefone ne’e.

Apa ne’e hateke nia oan feto no dehan, oan ne’e mak hanaran hirusdor/hirus makas.

Liafuan hirus so letra badak deit husi liafuan perigu. Entaun husu Maromak atu ajuda o bele kontrola o nia hirus!

Aihan Espiritual: 1 Crônicas 12: 23–15: 29, João 9: 1–12, Sal 15, Pr 25: 21–22