Ilustrasaun sunu ró ikan (Foto: AFP / CHAIDEER MAHYUDDIN)
Jakarta, CNN Indonezia – Parte autoridade Australiana sunu ró Indonezia nian 3 nebe kaer toman tama no kaer ikan illegal iha nasaun Canguro refere.
Australian Border Force (ABF) divulga foto balun nebe hatudu ró kiik kores oioin nebe ahi han iha tasi laran, hafoin halao patrulha loron tolu besik Rowley Shoals Marine Park, iha costa norte Australia Ocidental.
Patrulha ne’e halao hafoin ABF hetan informasaun husi operador turistiku ró local nebe hateten ró estranjeiru atus barak mak iha tasi refere. Sira preokupa ho risku pirataria (pembajakan).
Aleinde estraga ró 3 Indonezia, ABF mos duni Indonezia nia ró 13 sira seluk sai husi tasi Australia.
“Semana ikus ne’e ami okupadu tamba ami hetan ró 16 nebe kaer ikan illegal no responde hamutuk ho WA Fisheries, “hateten Comando da Fronteira Marítima da Austrália, contra-almirante Mark Hill, nebe cita husi ABC Australia.
Hill mos hateten peskador Indonezia sira ne’e ladun hakfodak ho assaun prende ne’e.
“Sira toman tiha ona tamba infelizmente ami hare peskador sira nebe ulu kami kaer ona. Em jeral peskador sira ne’e obedese, sira la agresivu no sira halo saida ma kami husu, “hateten Hill.
Laiha peskador ida mak ami prende ka ami prosessa iha insidente ne’e maske parte autoridade Australia halo ona ida ne’e antes. [mf]