‘Se mak ran sae lalais, hanesan ema beik, maibe ema matenek pasiensia. ‘Provérbios 14:17 NKJV
Verdade mak bainhira o nia emosaun hasai buat nebe diak liu husi o nian aan, nia revela buat nebe aat husi ita nian aan. Biblia hateten buat tolu kona ba hirus nebe lalos no ita presija hanoin:
(1) Ne’e beik. Simples hanesan ne’e. ‘Ema nebe hirus lalais sei halo aksaun beik, no ema nebe intensaun aat hetan odiu.’ (Provérbios 14:17 NKJV)
(2) Ne’e sobu. ‘Ema nebe hirus teen komesa baku malu; ema nebe hirus teen hapara sira. (Proverbios 15:18). Dalaruma ita hirus tamba iha razaun diak. Maibe maioria tempu sira hanesan ne’e ita egoista, la pasiensia, nervozu, ou senti kanek ho maneira nebe ema halo mai ita. Humourist Will Rogers hateten, ‘Ema nebe rebenta deit iha nia hirus, nunka lori rezultadu diak. ‘Laos resolve problema, maibe nia hirus ne’e halo nia sai pior liu tan.
(3) Ida ne’e estraga. ‘Ema nebe hirus lalais sei selu nia tusan. Sei o ajuda sira, o so aumenta sira nia hirus.’ (Provébios 19:19 NLT) Ida ne’e signifika sei ita lakon pasiensia, ita sei lakon nafatin. Ita sei lakon kolega, ita sei lakon domin no respeitu husi ita nia familia, ita sei lakon ita nia kolega business, no até ita bele lakon ita nia saude. John Hunter, psicólogo nebe iha kondisaun fuan ladiak, hateten, ‘Hau nia moris depende ba ema seluk nian miserikordia nebe bele halo hau hirus. Ema primeiru nebe halo hau hirus bele oho hau.’
Aihan Espiritual: 1 Cron 16–18, João 9: 13–23, Sal 105: 1–15, Pr 25: 23–25