‘Ema nebe pasiensia liu fali ema heroi ida, ema nebe kontrola aan liu ema nebe hadau sidade. ‘Provérbios 16:32 NKJV

Bibilia dehan, “Ema nebe la hirus lalais diak liu duque ema nebe iha forsa, no ema nebe kontrola nia espiritu duke ema sira nebe hadau sidade. ‘Nudar ema Kristaun ita iha Espiritu Santu nebe Maromak fo ba ita hodi hela iha ita nia laran, no fuan Espiritu ida mak ‘kontrola aan’ (Gálatas 5:23).

Ida ne’e signifika nudar ema kristaun ita bele kontrola ita nia emosaun, no nudar ema kristaun o tenki dunik kontrola ida ne’e. Dalaruma o dehan, ‘Hau ema nebe fasil atu hirus ka hirus teen los, tamba hau moris mai ho karakter hanesan ne’e!’ O la presija moris ho o nia hahalok tuan, maibe tenki moris ho hahalok nebe foun! Hirus ne’e hanesan mota. Kontroladu, bele rezulta eletrisidade nebe sufisiente atu halakan sidade tomak. La kontroladu, nia bele sulin resin ba dalan ninin no sai inundasaun nebe bele estraga sidade tomak.

Iha ga lae ita istori malu makas ho ita nia fen/laen ou ita nia oan balun? Derpenti ita nia telefone lian; ita lalais simu telefone ne’e no simu hatan ho lian nebe maus no kontroladu, ‘Halo-o-o-o. iha buat ruma nebe hau bele ajuda? ‘Saida mak akontese iha neba?

Entaun ita hatudu ona katak ita nia hirus ne’e ita bele kontrola no bele hamaus. Biblia hateten, ‘Ema matenek kontrola nia hirus, mais emosaun nebe makas hatudu ita nia beik. ’ (Provérbios 14:29 NLT) laos buat hotu-hotu merese atu ita lori ba hirus.

Entaun se o ema nebe emosaun lalais deit, ida ne’e konselhu nebe diak. Bainhira o hirus, sura to’o sanulu iha o nia laran molok o koalia liafuan ruma. No se o hirus ida makas demais, sura to’o 100 – depois lalikan koalia buat ida.

Aihan Espiritual: 1 Cron 19: 1–23: 20, João 9: 24–41, Sal 115, Pr 25: 26–28