Ha’u sei kontente atu fó ha’u-nia an no buat hotu ne’ebé ha’u iha ba imi. 2 korinto 12: 15

Apóstolu Paulo hakerek: ha’u lakohi buat ne’ebé ó iha – ha’u hakarak ó… Ha’u sei uza ha’u-nia an ho haksolok no buat hotu ne’ebé ha’u iha ba imi, maski ha’u hanoin katak hau nia hadomi bo’ot liu bá imi, maibé imi nia hadomi menus bá ha’u. Paulo hatene katak buat ne’ebé importante liu ba nia mak buat ne’ebé di’ak liu hotu atu fó, laos atu simu. Tanba nia fó kolen ba nia an rasik. Tanba nia hetan susesu, ne’e katak halo ema seluk hetan susesu. Tanba nia kontente, ida-ne’e lori haksolok ba ema seluk. Ne’e tanba nia la buka ema atu simu nia kolen, maibé ba Maromak: hanoin-hetan katak na’i sei fó kolen ba ita ida-idak tanba buat di’ak ne’ebé ita halo. (Éfezu.6: 8)

Buat ne’ebé susar liu ba ita mak atu kontrola ita-nia hakarak atu tau uluk Maromak iha ita-nia moris. Tan ne’e mak importante atu kontinua buka-hatene ita-nia hakarak no keta ta’uk ba ema seluk hodi buka ita rasik nia di’ak. Se ita hakarak buka-hatene ita-nia hakarak, halo tuir ezemplu husi Benjamin Franklin. Loroloron nia husu pergunta rua ba nia an. Bainhira nia hadeer iha dadeer-saan, nia husu: ha’u sei halo saida ohin loron? Antes nia toba, nia husu: ha’u halo ona buat di’ak saida? Se ita bele hatán ba pergunta sira-ne’e ho hahalok la hanoin an de’it no laran-metin, ita bele la’o tuir dalan ne’ebé loos. Hodi haree ba ema ne’ebé presiza ajuda, no hodi tau uluk buat ne’ebé importante liu iha ita-nia moris. Ema ne’ebé simu no fó moris aumenta liutan. Lia-loos la iha moris ne’ebé la iha folin hanesan moris ne’ebé hanoin an de’it, no la iha moris ne’ebé hanoin an de’it hanesan moris.

Aihan Espiritual: 2Tawarik 5-7, Joao. 11: 1-16, Sal 83: 9 – 18, Pov 26: 17 – 22.