Polisia sira seguransa metin hela uma ida iha Rutland Avenue, Liverpool, 14 Novembro 2021 hafoin akontese explozaun fora husi ospital ida iha sidade refere.
Polisia Reino Unidos kaptura tiha ona mane nain tolu nebe deskonfia halo explozaun iha ospital Liverpool iha Domingo (14/11) dader iha nebe akontese ema ida mate iha explozaun refere.
Polisia kaptura mane nain tolu ho akuzasaun terrorismu.
Unidade anti-terrorismu polisia Reino Unidos hateten mane nain tolu ne’e kaer iha Domingo (14/11), hirak ne’e ho idade entre 21 to’o 29.
Polisia Merseyside iha nia deklarasaun hateten taxi ida halai besik ospital no la kleur akontese explozaun. Investigasaun kontinua halao hodi buka hatene saida mak akontese ona no presija tempu atu ami bele konfirma kona ba buat sira ne’e.
Mane ida nebe sai passajeiru iha taxi refere mos mate, enkuantu kondutor taxista halao hela tratamentu iha ospital tamba hetan kanek, hateten polisia. [mf]