Laos deit Alemanha, Belgia mos haruka pasiente Covid-19 ba iha Berlim, tamba kapasidade ospital nakonu (Foto: AP/Francisco Seco)
Jakarta, CNN Indonezia – Alemanha fila fali fera rekorde aumenta numeru diariu infeksaun Covid-19 ho kazu 68.366 iha Kinta (18/11), tuir dadus estatistika John Hopkins University.
Numeru refere aumenta 14.739 husi kazu 53.627 Covid-19 loron ida antes.
Kazu nebe aumenta provoka pasiente kontinua barak, até medikus sira kolen tamba sala de Unidade Terapia Intensiva (UTI) komesa nakonu.
Ospital ida iha Bavaria Freising, Alemanha, obrigatoriu tenki haruka pasiente Covid-19 ba ospital iha Italia tamba UTI nebe nakonu ona no menus profisionais saúde.
“Semana kotuk liu ba, iha Kuarta no Kinta, ami tenki haruka pasiente ida ho aviaun helikopteru ba Merano (Italia), “hateten Diretor mediku ospital iha Freising, Thomas Marx ba AFP iha Kinta (18/11).
Marx esplika tan katak ospital nebe nia servisu ba ne’e atende hela kazu 13 iha sala UTI, enkuantu sala refere so bele tau ema nain 10.
“Ami laiha tan kapasidade atu simu pasiente Covid, no ospital iha area Bavaria mos nakonu.
“Aumenta numeru infeksaun virus corona iha Alemanha mos halo governu nasaun nian tenki halo restrisaun sociais ba sidadaun nebe seidauk vasina. [mf]