Laos nee deit, maibee loro-loron hau mos senti todan tanba preokupa sarani sira iha ne’ebé-ne’ebé deit. (2 Korintu 11: 28).

Liu porsentu 50 lider Igreja sira husik Ministériu. Mai ita hare razaun seluk tanbasá. Sira hadomi ema, maibé sira la bele tahan todan ne’ebé iha. Ami gosta ko’alia kona-ba Igreja testamentu foun nia kbiit, maibé oinsá ho sira-nia problema? Igreja ne’e ema mak halo, no ema iha problema balu ne’ebé seidauk rezolve. Igreja uluk nian iha:

1). Problema kona-ba morál.

Mane ida toba hela ho nia madrasta no la iha ema ida iha Igreja laran sente triste tebes kona-ba ne’e (1Korintu 5: 1 – 2). Hau rona katak, iha ema ida hosi imi mak halo sala seksual, nia hola fali nia aman nia feen kiik. Saida mak nia halo nee aat liu fali ema nebee mak la konhese Maromak. Maibé imi foti aan nafatin hanesan fali buat ida la kona imi. Tuir loos imi tenki moe ho laran susar. I ema nee, imi tenki bandu atu la bele hamutuk tan ho imi sarani sira.

2). Doutrina sala.

Ema judeu balu hanoin katak ema jentiu presiza hetan sirkunsizaun. Tan ne’e, problema ne’e besik atu nakfera Igreja nia klaran (Apóstolu 15).

3). Problema sira kona-ba lamoos no hahalok-di’ak. Paulo hakerek: (1Korintu 3. 1-4). “Ha’u la bele ko’alia ba imi nu’udar ema ne’ebé moris tuir espíritu maibé nu’udar ema ne’ebé sei iha mundu, hanesan labarik ki’ik de’it iha Kristu. Ha’u fó susubeen, laos ai-han ne’ebé toos, tanba imi seidauk prontu ba ida-ne’e. Tanba iha imi-nia leet imi laran-moras no haksesuk malu, imi mak mundu ne’e nian, maibé kuandu ema ida dehan: “ha’u la’o tuir Paulo, no ida seluk tan,” ha’u la’o tuir Apolo, “imi ema de’it mak halo, loos ka lae? Nia hatutan tan: Tanba Demas husik tiha ona hau hodi baa iha sidade Tesalónika, tanba nia hadomi liu buat mundu nian. Nia hatutan tan: Alexandre, badaen besi, halo ona buat aat barak mai hau.  (2Timoteo 4: 10a, 14a).

Sekarik ita-boot mak lider Igreja ida nian, hanoin ida ne’e: se ita-boot la bele sente moras, ita-boot sei la bele kura moras ne’e!subar ita-nia problema loroloron nian no susar ba ema seluk, ita sei hetan matenek atu serbí ho di’ak. Tan ne’e, keta laran susar no kontinua avansa!

Aihan Espirituál: 2 Cron 19-21, João 12: 1-11, Sal 76, Prov 27: 4-6.