‘Transforma ho hanoin ne’ebé hafoun fali.’ Roma 12:2 NKJV
Konta istória kona-ba mane ida ne’ebé hela iha to’os ne’ebé furak. Bainhira nia mate, propriedade ne’ebé na’in ba nia família liu tinan 200, fa’an ba viziñu ida. Loron ida, na’in foun la’o iha rai-luan kuandu nia haree iha fatuk ne’ebé taka hela ho lixu. Nia foti no lori ba uma, fase fatuk ne’e, no lori ba loza ne’ebé nakonu ho sasán murak. Loza na’in ne’e konfirma saida mak fatuk na’in deskonfia ona. Fatuk tuan ne’ e boot no fatuk-ezmeralda, no prova ona katak nia iha folin dolar millaun barak. Fatuk folin-boot ne’e iha ona to’os ba tinan rihun ba rihun, no hein de’it ema ida atu bá hetan fatuk ne’e. Iha tinan barak nia laran, ema la’o liu dala rihun ba rihun no la haree hetan, tanba buat sira-ne’ e haree hanesan fatuk boot ba-bain ida iha jardín. Bainhira ita deskobre’ buat ruma, iha aktualidade, ita hetan buat ruma n ‘ebé eziste ona maske ita la hatene kona ba ne’e. Ne’e mak pontu sira: maski ita barak buka Maromak nia hakarak ba ita-nia moris, dala barak saida mak ita buka iha hela ita nia inus okos (ita nia oin) maibé ita buka nafatin tanba ita la rekoñese ida ne ‘e.
Atu rekoñese fatuk folin-boot ida, ita presiza hatene ninia karakterístika sira no hatene oinsá atu buka. Nune’e mós atu rekoñese Maromak nia hakarak, imi tenke moris liuhusi Eskritura ida-ne’e: ‘Keta halo tuir mundu ne’e, maibé imi sei troka imi-nia hanoin, atu nune’e imi bele hatudu sai katak Maromak nia hakarak mak di’ak, aseitavel no perfeitu. ’Ne’e mak tempu ne’ebé imi presiza atu lee Bíblia ho kualidade, no ko’alia ho ema ne’ebé lori lia-menon hodi rona ba Autór.
Aihan Espiritual: Jos 14–15, João 15:18–27, Sal 65, Pr 28:17–20