Dili – Conselho Imprensa Timor Leste iha loron ikus ba eventu Dili Dialogue Forum 2021 Sexta 3 Desembro 2021 atribui Karteira Profesional ba Jornalista sira husi media oin-oin iha salao Delta Nova. Marka presenca iha serimonia atribuisaun KARTEIRA PROFESIONAL ne’e maka Ministru ba Asuntus Parlamentares no Komunikasaun Sosiál (MAPKOMS), Fransisco Martins da Costa Pereira Jerónimo nebe mós entrega diretamente ba Jornalista sira nebe simu Karteira profesional.
Iha diskursu husi Ministru ba Asuntus Parlamentares no Komunikasaun Sosiál (MAPKOMS), Fransisco Martins da Costa Pereira Jerónimo hateten katak papel Jornalista no media nain sira importante tebes maibé hasoru desafius boot iha Era Dijitalizasaun nebe maka mosu makaas dadaun mai oin.
Iha fatin hanesan Presidente Conselho Imprensa Virgilho Guterres apela ba Jornalista sira nebe simu Karteira profesional katak tenke tuir regras nebe instituisaun media nebe sira haknaar an ba. Virgilho Guterres mós hatutan tan katak Jornalista sira tenke kumpri regra etika jornalistika nebe iha ho responsabilidade.
Partisipa iha loron ikus ba eventu Dili Dialogue Forum 2021 husi sosiedade sivil, media nain nomos estudante sira husi universidade sira iha Dili hanesan Univeidade Timor Leste, Universidade Dili, UNITAL, Universidade da Paz no seluk tan. (rg)