Dili – Centro de Estudos Para a Paz e Desenvolvimento (CEPAD) iha kinta loron (09/12) Komemora loron mundial anti korupsaun iha Otel Novo Turizmo Dili Timor Leste. Tema Iha loron mundial korupsaun mundial 2021 Maka “Asegura Transparansia, Akontabilidade no Integridade Iha rekoperasaun covid-19”.

Esistensia CEPAD hahu husi 2007 too 2021 ho objetivu hodi monitoriza lalaok korupsaun nebe iha Timor Leste.

Marka presenca iha loron mundial anti korupsaun husi parte oin-oin maka hanesan representante husi Presidente República Demokratico Timor Leste, Prokurador Jeral da Republika, Polisia Nasional Timor Leste, estudante husi universitário sira nomos parte média no Cepad nee rasik.

Mensagem husi Presidente RDTL iha loron anti korupsaun maka ema hotu tenke iha vontade diak hodi luta hodi kombante korupsaun iha Timor Leste tamba korupsaun hanesan sintomas ida nebe ita sei belê hamate.

Organiza iha komemorasaun loron mundial anti korupsaun nee husi CEPAD rasik no serviço hamutuk Misereor IHR Hilfswerk. Iha komemorasaun nee taka ho sesaun panel husi panelista sira nebe hili ona husi organizador eventu loron mundial anti korupsaun mundial (rg)