(REUTERS/KIM KYUNG-HOON).
Jakarta, CNN Indonézia – Governu sidade Tokyo, Japaun, sei legaliza kazamentu ho sexu hanesan.
“Hatán ba ema ne’ebé hakarak hela Tokyo no sira ne’ebé preokupa ba asuntu ne’e, ami sei bazeia ba prinsípiu báziku hodi rekoñese relasaun sexu hanesan iha tinan fiskál ida-ne’e,” hateten Governadór Tokyo Yuriko Koike, iha Tersa-feira nia rohan.
Kokie hateten katak polítika ida-ne’e sei introdús iha finál tinan orsamentu tuir mai, ne’ebé mak sei hala’o iha Marsu 2023.
Kaben grupu ativista ba ema hotu iha Japaun simu notísia, maibé parseria ne’e la iha efeitu legál ne’ebé hanesan ho kazamentu.
“Governu Nasionál, lalais (rekoñese) kazamentu hanesan de’it!” sira dehan.
Iha tinan hirak foin lalais ne’e, autoridade lokál sira iha Japaun iha ona sira-nia maneira rasik hodi rekoñese parseria ne’ebé hanesan. Ativista sira mós koloka Governu Nasionál hodi rekoñese kaben-na’in ne’ebé hanesan.
Tokyo nia distritu Shibuya sai hanesan fatin dahuluk iha Japaun atu hahú hasai sertifikadu parseria sexu hanesan iha tinan 2015. Polítika ida-ne’e mós hala’o tiha ona husi rejiaun barak iha país ne’e.
Tuir loloos, ativista sira dehan katak iha ona Governu lokál 110 nebe rekoñese parseria hanesan. Rekoñesimentu ne’e direitu sexu hanesan kaben-na’in sira ba direitu, hanesan aluga propriedade hamutuk ka ba vizita sira-nia kaben ne’ebé iha hela ospitál.
Maske nune’e, laos ema LGBT Japonés hotu mak hela iha área sira ho sertifikadu. Tuir loloos, ema balu la rekoñese surat ne’e.
Tuir survei, maioria ema Japaun suporta kazamentu hanesan. Maske nune’e, Japaun nia partidu Democrasia Liberal laran-todan atu hala’o reforma legál.
Primeiru-Ministru Japaun nian Fumio Kishida hateten katak “seidauk to’o iha faze atu simu kazamentu ne’ebé hanesan.”
Japaun mak nasaun úniku ida iha g7 ne’ebé la rekoñese relasaun ne’ebé hanesan. Konstituisaun nasaun mós hateten katak kazamentu ne’e só bele hala’o de’it tanba konsentimentu mutua hosi relasaun seksuál rua ne’e. [mf]