Foto ilustrasaun (fontes google)
Vice Prezidenti Parlamentu Nasional Maria Angelina Sarmento iha Parlamentu Nasional Tersa semana ne’e ba Radio Voz hateten, Parlamentu Nasional apresia no kongratula desizaun tribunal Oecusse nebe iha loron Tersa 21 de Dezembru semana ne’e hatun ona desizaun pena kastigu tinan 12 ba eis padre Richard Dasbackh tanba komete kazu pedofilia ka abuzu sexual ba labarik feto menor idade iha orfanatu Topu Honis Oecusse. Parlamentu Nasiona Elojiu pozisaun firmeza tribunal Oecusse ba lian lóss maske infrenta dezafius presoins barak no intervensoins pulítika. Vice Prezidenti Parlamentu Nasional Maria Angelina apela ba sosiedade juventude feto minor idade sira nebe iha ona esperiensia kazu abuzu sexual ba sira nia isin atu labele tauk buka justisa no barane hatoo keixa ba autoridade judisiária kompetenti tanba lei proteze direitu dignidade kada sidadaun ida-idak. [ag/mf]