‘Atu haʼu la sai foti-án demais.’ 2 Korintu 12:7 NLT

Bíblia la fó sai ba ita saida mak Paulo nia ai-tarak iha ninia-isin, maibé Paulo fó-hatene ba ita tanbasá mak Maromak fó lisensa ba nia: ‘Kontinua halo ha’u la orgullu ka foti-án.’ ’Aumentu iha buat ne’ebé atinji no susesu bele hamosu orgullu no independénsia hosi Maromak. Imi haree ona katak bainhira moris lao diak ona, ema ne’ebé hela besik Maromak dalaruma susar ka lae? Ita hanoin katak Maromak mak di’ak tebes ba ita tanba ita mak di’ak tebes ba Nia. Ita tenke proteje nafatin buat sira-ne’e. Maromak bele uza buat naran de’it ne’ebé di’ak ba Ita-nia di’ak no Ninia glória. Ho ninia matenek no pasiénsia, Nia husik buat ruma ita hanoin atu hakanek ita, maibé Nia halo fila no uza ida-ne’e atu ajuda ita. Nia halo buat tuirmai ne’ e: Nia halo bensaun barak ho buat todan oioin. Iha Salmo dehan: ‘Bensaun ba Na’i, ne’ebé lori ami loro-loron ho buat di’ak.’(Salmo 68:19 NKJV) Se Maromak halo nakonu ó-nia liman ho bensaun, ikusmai ó sei monu ba ó-nia oin. Se Maromak kontinua fó todan ba imi, imi sei monu ba imi-nia kotuk. Tan ne’e, Nia fahe bensaun no hatodan ita atu nune’e ita bele hela nafatin iha balansu. Ida ne’e fasil atu ses husi hetan balansu. Ita sai nakonu tebes ho ksolok husi lalehan to’o ita haluha katak ita nia devosaun sai masin no naroman mai iha mundo ne’e. Ita haka’as an duni iha Na’i nia serbisu no nune’e ita la gasta tempu hamutuk ho Na’i ba serbisu ne’e. Ita involve iha igreja no ita na’ok tiha domin no atensaun ba ita nia familia ne’ebé sira presiza. Entaun Maromak halo ita moris fali liuhusi fó buat ne’ebé hanesan ai-tarak ba ita.

Aihan Espiritual: 1 Kor 12–14, Mat 2:16–23, Ps 139:13–24, Pr 31:28–29