Deputadu bankada Khunto Antonio Verdial, (Fontes foto: Naunil Media/google)

Deputadu bankada Khunto Antonio Verdial iha nia deklarasaun pulítika iha plenaria Parlamentu Nasional Tersa semana ne’e husu ba guvernu atu estabelese laboratotiu nasional hodi identifika teste kualidade aihan nebe husi rai liur tama mai nasaun laran. Tanba tuir observasaun bankada Khunto Timor oan barak sofre moras kolesterol, tensaun, kankuru tanba konsumo aihan importasaun.

Iha seitor saude nian bankada Khunto deklara preokupasaun ba situasaun atual saude públiku relasionadu alastramentu moras denge nebe afeta populasaun barak. Bankada Khunto husu  guvernu atu halo intervensaun efetivus hodi salva guarda populasaun husi moras denge ho balansu tratamentu hanesan ba povu Timor oan hotu.

Iha parte seitor edukasaun nian bankada Khunto koloka Khunto lamentasaun tanba pulítika Ministeriu Edukasaun tanba seidauk anunsia rezultadu ezame ba estudantes sira. bankada Khunto konsidera nudar perturbasaun ba  estudantes sira atu  submete ba rejistu nivel klase foun no rejistu ba universitariu. [ag/mf]