Ministru Ensino superior Siensia no kultura, Longinhos dos Santos (Fontes foto: google)
Dili – Guvernu loke asesu kréditu ba instituisaun ensino superior nasional ho total montante orsamentu millioins 5 dolares Americano ba universidade privadus 16. Objetivu husi pulítika guvernu ne’e ho objetivu atu fasilita hadia kondisoins infraestrutras, eleva kapasidade rekursus umanus, no moderniza infraestruturas instituisoins ensino superior privadus nasionais. Kada instituisaun ensino superior iha previleziu hetan kréditu máximu rihun atus 500 dolares Americano ho jurus 3%.
Ministru Ensino superior Siensia no kultura Longinhos dos Santos hateten ida ne’e ba jornalista sira iha okaziaun serimonia asina akordu “linha kréditu ba instituisaun ensino superior kualidade entre Ministeriu Ensino Superior Siensia no Kultura ho banku nasional Kumérciu Timor Leste SA. iha hotel Novo Turizmo Tersa semana ne’e.
Husi sorin seluk Retor Instituto Ensino superior Cristal Sebastião Perreira agradese ba pulítika guvernu nebe estabelese asesu kréditu finanseirus hodi bele eleva kapasidade instituisaun ensino superior privadas sira sa’e ba kualidade padraun internasional. [ag/mf]