Foto ilustrasaun moras dengue (Foto: Fontes google)
Dili– Prezidenti Parlamentu Nasional Aniceto Guterres iha plenaria debate urjensia ho Ministra Saúde Segunda semana ne’e delkara nakloke ba publiku katak, Parlamentu Nasional konsidera surtu dengue nudar problema seriu no preokupante ba nasaun. Relasiona ho situasaun ne Parlamentu Nasional Segunda semana ne’e aplika plenaria debate urjensia hodi husu ba Minstra Saúde Odete Maria Freitas Belo presta isplikasaun kona ba situasaun real surtu dengue iha nasaun laran hodi hetan solusaun.
Enkuantu Ministra Saúde Odete Maria Freitas Belo iha nia isplikasaun ba deputadu sira iha plenaria debate urjensia ne isplika ba Parlamentu Nasional hateten, surtu dengue nudar moras kontasioza nebe so bele hada’et husi ema ba ema liu husi transmitor susuk. Ejistensia susuk depende husi kondisaun limpeza ka hijieni ema nia uma laran no resinto uma ka fatin nebe ema hela ba. Tuir ministra, tendensia moras dengue iha Timor Leste normalmente akontese iha fulan Dezembru to’o fulan Abril ka sintoniza ho klima tempu udan.
Sintomas moras dengue kuaze hanesan ho moras malaria ho ho karateristiku muta no soe be bo’ot ho ran. Tuir dadus Ministeriu Saúde identifika munisipiu Dili assumi numeru infesaun moras dengue bo’ot liu, nebe iha fulan Janeiru 2022 nia laran deit rejista total numeru kazu dengue atus 782. Hare husi grafika idade, moras dengue atinji numeru bot primeiru labarik ho idade tinan 5-14, tuir numeru bot segundu atinji labarik tinan 1- 4, tuir fali idade tinan 15-24, aleinde atinji idade adulteriu tinan 25-49. [ag]