“Hakmatek iha fuan laran bele lori isin-di’ak. ” Proverbios 14: 30

Iha apóstolu sira-nia tempu, doutór sira komesa komprende no enfaze ligasaun entre saúde mentál no fíziku. Maibé Bíblia ko’alia kona-ba ne’e maizumenus tinan 3.000 liubá kuandu Liurai Salomão fó lia-dadolin haat ne’e ba ita:

(1) Laran ne’ebé hakmatek lori isin ne’ebé saudavel; laran-moras mak hanesan kankru iha ruin sira.

(2) Haree didi’ak ba buat ne’ebé halo ema laran-haksolok; liafuan di’ak halo ema nia saúde sai di’ak. (Proverbios 15: 30)

(3) liafuan ne’ebé di’ak mak hanesan bani-been, midar ba isin-lolon. (Proverbios 16: 24)

(4) laran ne’ebé baratu mak ai-moruk ne’ebé di’ak, maibé laran-kanek halo ema nia forsa sai di’ak. (Proverbios 17: 22)

Eskritura sira-ne’e ko’alia hanesan ne’e: ita bele iha fiar ne’ebé metin (hanoin kona-ba buat ne’ebé di’ak, duke buat ne’ebe aat), hamnasa (kbiit atu haksolok), no ko’alia kona-ba liafuan sira ne’ebé fó laran-manas ba ita-nia saúde (no kona-ba ema ne’ebé iha ita-nia sorin-sorin). Saida mak bele ajuda ita atu tahan hasoru susar? Dame! Saida mak solusaun atu bele ta’uk? Fiar! No dame no fiar mai husi ne’ebé? Maromak!

Kuandu David hakerek: “Ha’u husu na’i nia laran-sadia, ita sei hetan saida se ha’u mate, se ha’u mout iha Rate laran?” (salmo 30: 8 – 9) ita la hatene se ema ko’alia aat kona-ba nia, ka se nia moras karik. Maibé Maromak hapara ida-ne’e, no liutiha tempu balu iha salmo David mós hakerek: ita halo ha’u-nia triste sai fali dansa haksolok nian. Ita taka ha’u ho ksolok, atu ha’u bele kanta knananuk hahi’i nian ba ita no la nonook. (salmo 30: 11 – 12)

Ita-nia hanoin kona-ba saúde fó impaktu boot ba ita-nia saúde!

Aihan Espiritual: Rom. 9: 17 – 11: 36, MT 13: 36 – 46, ps 138, PR 4: 14 – 17.