Mericio Juvinal dos Reis Akara, Sekretariu Estadu Komunikasaun Sosial. (Foto: Andre Gusmão/RAVOZ)
DILI– Prezidenti Konselu Imprenza Timor Leste Interino Expedito Diaz Ximenes, iha nia breves palavras ba serimonia lansamentu livru vizaun estratéziku konselu imprenza iha salaun edifisiu konselu imprenza Kinta semana ne’e hateten, konselu imprenza elabora planu estratéziku 2022-2026 nudar padraun no mata dalan orientasaun ba lalaok instituisaun konselu impreza ba tempu tinan lima ba oin. Planu estratéziku konselu imprenza nebe lansa loron ne foka vizaun ba “sosiedade livre, respeita plularizmu espresaun no liberdade imprenza.
Sekretariu Estadu komunikasaun sosial Merisio Juvinal dos Reis Akara, iha nia intervensaun serimonya lansamentu livru koselu imprenza ne apresiza planu estratéziku konselu imprenza, no promete sei fo apoiu konselu imprenza hodi atinji metas vizaun no misaun. Relasiona ho vizaun no misaun konselu imprenza, Sekretariu Estadu Mericio Akara enkoraza lideres redasaun mídia komunikasaun sosial atu mantein prinsipius independensia editorial no brani konfrota hasoru invensaun pulítika husi guvernu no kualker entidades. Sekretariu Estadu fo hanoin, atu atinji metas vizaun no misaun konselu imprenza ne ijije kapasidade profisionalizme eskil no korazen husi jornalista sira. [ag]