Longuinhos dos Santos, Ministru Ensino Superior (Foto fontes: google)
Dili– Ministru Ensino Superior Longuinhos dos Santos iha Palasiu Guvernu Quarta semana ne’e ba jornalista sira hateten, Universidade Nasional Timor Lorosae nia prosesu final inskrisaun ba estudantes foun to’o iha loron 25 de Fevereiro 2022. Ministru notifika, prosesu inskrisaun ba estudantes foun ramata ona no taka tiha ona, no oras ne’e tama ona ba prosesu selesaun ba estudantes sira nebe tama ona iha lista inskrisaun tinan akademia UNTL 2022. Ho nune’e laiha ona posibilidde ba estudantes foun sira nebe seidauk tama inskrisaun akademia tinan 2022 Universidade Nasional Timor Lorosae nian. Enkuantu ba kandidatus estudantes sira nebe kategoria rezime espesial husi veteranus sira nia oan no husi kbiit laek sira nia oan presiza submete ba teste, no wainhira liu ona teste maka bele tama nudar estudantes UNTL.
Hatan kona ba bolsu estudus ba estudantes sira nebe atu halao estudus iha nasaun estranjeirus, ministru konfirma, oras ne’e dadaun prosesu lao hela no ministeriu ensino superior buka hela solusaun hodi solusiona problema estudantes bolsu nain 121 nebe atu ba halao estudu iha nasaun China. [ag]