‘Maromak salva ona imi liu husi fiar, no ne’e laos imi nia esforsu rasik, ne’e mak prezente husi Maromak.’ Efeso 2: 8 NASB.

Atu hatene oinsá mak Maromak haree ba ita, koko atu hanoin kona-ba buat rua ne’e:

(1) Osan tahan 10$. Saida mak halo osan ne’e iha folin-boot liu fali surat-tahan seluk ne’ebé hanesan? Governu nia rikeza no estabilidade ne’ebé nia tezoureiru asina iha leten. Ó bele komu aat osan $10 , sama tan ba leten, ou tesi tiha fahe ba rua depois o foti fila fali goma hodi lem fila-fali nia nafatin osan no valor nafatin iha.

(2) Fatuk-Murak. Se ita  kose fatuk-murak ida iha rai-rahun laran ka taho laran  ne’e nafatin fatuk-murak ida, maski fo’er. Maibé ne’e la lakon ninia folin. Tan ne’e, di’ak atu hatudu katak atu hafolin buat furak husi fatuk-murak ne’e, ita presiza hasai rai-rahun husi fatuk-murak ne’e no halo fali ida-ne’e sai fali nabilan fali.

Ai-knanoik rua ne’e hatudu saida? Katak ita-nia valór iha Maromak nia matan nu’udar ninia oan doben ne’ebé sosa kotu ona la menus bainhira ita hetan fo’er, ka ita senti aat tamba ita nia moris no situasaun. Ida-ne’e akontese tanba imi-nia folin ne’ebé loos laos ho imi-nia hakaas-an rasik, maibé ho folin ne’ebé Jesus selu ba imi iha Krús. Iha ne’ebá mak tusan boot ne’e selu kotu. O nia sala husi o hahu moris mai to’o o nia moris ikus Jesus mak lori hotu, Maromak muda fali ninia hahalok loos hotu hodi tau hotu ba imi. Imi la presiza serbisu ba ida-ne’e; ne’e mak prezente ida.

Maromak salva ona imi liu husi fiar, no ne’e laos imi-nia an rasik, ne’e mak prezente husi Maromak.

Aihan Espiritual: Gen 7 – 9, MT 16: 1 – 12, Sal 33: 13 – 22, PR 5: 15 – 20.