Chancellor Alemaña Olaf Scholz
Chancellor Olaf Rabz hateten iha Domingu (27/2) katak ninia Governu nia desizaun atu haruka kilat diretamente ba Ukraina atu ajuda soldadu sira kombate invazaun Rúsia nian hanesan resposta ida ba “realidade foun” ne’ebé lider Rúsia nian mak kria.
“Iha Kinta kotuk Prezidente Vladimir Putin kria realidade foun ida ho invazaun Rúsia. Realidade foun ida-ne’e presiza resposta firme. Ami halo tiha ona. Ema barak hatene katak, horiseik ami deside Alemaña sei haruka kilat ba Ukraina atu defende sira-nia nasaun, no valór ne’e aas tebes. ”
Alemaña aloka orsamentu ba Defeza hamutuk euro millaun 100
Scholz hato’o assuntu ne’e iha Bundestag iha Berlin ne’ebé nia mós fó sai katak Alemaña sei aloka euro millaun 100 ($112.7 billaun) ba fundu espesiál ba ninia Forsas Armadas, hodi aumenta despeza ba Defeza liu 2% husi PIB.
Scholz ne’e hateten klaru katak “Ita presiza investe maka’as liutan iha ita-nia nasaun nia seguransa atu proteje ita-nia liberdade no demokrasia.”
Mudansa ne’e importante ba Alemaña, ne’ebé Estadus Unidus no aliadu sira seluk iha NATO kritika tanba la investe adekuadamente iha nia orsamentu defeza.
Anunsia Scholz marka mudansa boot iha polítika Defeza no seguransa Alemaña iha semana ida-ne’e, hodi responde ba Rúsia nia invazaun ba Ukrania. [mf]
https://www.voaindonesia.com/a/jerman-siap-kirim-senjata-ke-ukraina/6462524.html