Jose Belo, Prezidenti Komisaun Nasional Eleisoins.
Dili– Kandidatu Prezidenti da Republika 2022-2027 nain 16 Segunda semana ne’e asina paktu eleisaun pasífiku.
Asaun assinatura paktu eleisaun pasífiku ne’e nudar segimentu kúlmine husi prosesu tomak relasionadu ho eleisaun prezidensial 2022. Paktu unidade ne nudar refleksu no símbulu kumitimentu kandidatus prezidenti da republika sira hodi asegura prosesu eleisaun ida nebe krédibel paz no mantein estabilidade nasional.
Prezidenti Komisaun Nasional Eleisoins Jose Belo iha nia liafuan boas vindas ba abertura serimonya paktu eleisaun pasífiku iha salaun Lalini Larigutu edifisiu CNE segunda semana ne’e hateten, paktu eleisaun pasífiku nebe kandidatu prezdenti sira asina nudar kumprimisiu nasional hodi garante prosesu no rezultadu eleisaun prezidensial 2022 nebe krédibel hodi hetan rekuinesementu no reseu iha kontestu nasional, rejional no internasional. Entre kandidatu prezienti da republika sira nebe asina paktu eleisaun pasífika ne balun maka, DR.Francisco Guterres Lu-Olo, DR.Ramos Horta, Jeneral Lere Anan Timor, Milena Pirres, Rojerio Lobato.
Iha nia liafuan encerramentu prezidenti CNE hateten, ho jestu nebe kandidatu prezidenti da republika nain 16 hatudu iha paktu eleisaun pasífiku ne sai ezemplu fundamental ba povu Timor oan tomak oinsa mantin unidade, paz no estabilidade nasional. CNE nudar orgaun eleitoral ne’ebe independenti sei fo tratamantu ekilíbriu hanesan ba kandidatus hotu tuir lei eleitoral, ho espetativa atu rezultadu eleisaun prezidensial 2022 sei lori Timor oan ida diak ba tur iha palasiu prezidenti Nicolau Lobato nudar aman ba nasaun hodi ukun povu Timor oan hotu ba mandatu tinan lima 2022-2027.
Iha sesaun nia entrevista ba jornalista prezdienti CNE sira hateten, signifikadu husi asinatura paktu eleisaun pasífiku ne orienta kandidatu sira atu hatudu sira nia kualidade moral iha liafuan no jestu iha sira nia propaganda kampainya eleisaun prezidensial. Kandidatu sira tenke hatene katak sira sei kona sansaun legal no sansaun sosial wainhira komete komportamentu ruma nebe sés husi valores moral étiku no komitimentu husi paktu eleisaun pasífiku nebe sira asina.[ag]