Prezidenti Comisaun Nasional Eleisoins Jose Belo. (Foto: fontes google)
Dili– Prezidenti Comisaun Nasional Eleisoins Jose Belo, iha konferensia imprenza iha salaun sentru midia CNE Segunda semana ne’e hateten, Situasaun kampaña eleiaun prezidensial duranti periodu tempu loron lima lao diak. Maske nunee’ CNE rejista infrasoins balun nebe akontese iha periodu tempu kampaña duranti loron lima.
Infransoins nebe akontese maka; sei iha nafatin labarik tinan kiik involve iha kampaña laran, insidentes konfrontasaun entre militantes no apoiantes kandidatu sira iha iha Viqueque, suco Makadiki, Baucau no fatin seluk tan nebe rejulta ema sai vítima. CNE husu ona atuasaun no investigasaun pulisia hodi deskobre ema autor sira nebe halo perturbasaun hodi submete ba sansaun. CNE alerta ba kandidatus hotu hamutuk ho ekipa susesu sira atu aplika atividades kampaiña tuir regras nebe CNE atribui, inklui respeita direitu kalendariu nebe atribui ona ba kada kandidatu, no keta halo atividades ho tipu ruma ne’ebe laos atribuisaun husi CNE.
Prezdienti CNE Jose Belo husu ba kandidatus prezidenti da Repúblika sira respeita no kaer metin prinsipius deklarasaun no asinatura konjunta paktu unidade nasional, utiliza jestu no linguazen diak hodi aprezenta misaun vizaun no programas hodi konvense konfiansa povu, no evita linguazen nebe posivelmente provoka perturbasaun ba unidade povu Timor oan no estabilidade nasional.
Enkuantu Vice prezidenti Parlamentu Nasional Maria Angelina Sarmentu iha Parlamentu Nasional segunda semana ne hatoo nia observasaun ba Radio Voz hateten, Parlamentu Nasional Apresia kampaña eleisaun Prezidensial iha periodu tempu loron nebe lao diak.
Maria Angelina foka nia apresiasaun ba kandidatu independenti sira tanba konsidera aplikasaun aktu kampaña kandidatu independenti sira nudar meius pasífiku nebe revela direta sira nia vizaun misaun no programas ba povu. Maria Angelina konsidera tipu kampaña pasífiku ne’e asumi signifikadu no valor bot liu ba povu, tanba simplesmente povu hatene klaru vizaun misaun no programas husi kandidatus independenti sira. Alende mos tipu kampanha pasífiku ne sés husi tendensia insultasaun no hatun performa kandidatu seluk nebe bele implika konfrontasaun massal militantes no apoiantes hodi pertuba kredibilitas prosesu no rezultadu eleisaun prezidensial 2022. [ag]