Bainhira ita sei ki’ik, ita hatene ona eskritura Sagrada ne’ebé bele ajuda ita sai matenek atu hetan salvasaun liu husi fiar. 2 Timoteo 3: 15

Ema ta’uk kona-ba bíblia tanba razaun oioin. Ba ema balu, livru boot hanesan ne’e halo ema tauk atu le’e. no sira la hatene atu hahú husi ne’ebé. Balu tan hanoin katak livru antigu hanesan ne’e, ne’ebé ko’alia kona-ba tempu kleur ona, no inklui mós tema barak ne’ebé ema la bele komprende. Tan ne’e, mai ita haka’as an atu halo simples ita-nia moris. Hanoin to’ok kona-ba Bíblia nu’udar biblioteka ne’ebé inklui livru 66 ne’ebé fahe ba ema barak. Livru sira-ne’e hakerek durante tinan 1500, to’o ema liu na’in 40 husi background kultura no Edukasaun oioin. Hakerek hotu-hotu ne’ebe hetan inspirasaun husi Maromak duni hetan vantajen hodi hanorin, hodi hateten sai sala, hodi hadia hahalok no eduka ema iha lia-los. (2 Timoteo 3: 16)

Livru sira husi bíblia konta istória kona-ba Maromak nia domin ne’ebé boot ba ita, ne’ebé to’o iha Krús. Hanesan apóstolu Paulo hakerek ba Timoteo: ó tenke kontinua halo tuir buat ne’ebé ó aprende ona no hatene didi’ak se mak ó aprende ona kona-ba sira, no husi ki’ik kedas ó hatene ona eskritura Santu ne’ebé ó hatene ona, ne’ebé halo ó matenek atu hetan salvasaun liuhusi fiar ne’ebé iha Kristu Jesus. (2 Timoteo 3: 14 – 15)

Bíblia mak istória kona-ba Maromak nia domin ba ita. Tan ne’e, bainhira imi lee karta ne’e, husik ida-ne’e akontese iha imi-nia laran nu’udar karta domin nian ne’ebé Maromak hakerek ba imi. Bainhira ita lee no hanoin kle’an kona-ba ida-ne’e, ita sei rezolve ita-nia ta’uk no laran-susar, ita-nia pergunta sira sei hatán, no ita sei hetan forsa no matadalan ba ita-nia moris loroloron nian.

Aihan Espiritual: Gen 47 – 49, MT 21: 33 – 46, Sal 112, PR 7: 6 – 9.