Ministru Prezidensia Konselu Ministrus Fidelis Magalhães (Foto fontes: google)
DILI- Ministru Prezidensia Konselu Ministrus Fidelis Magalhães iha okaziaun reuniaun Komisaun administrasaun fundu infraestruturas CAFI iha Palasiu Guvernu kinta semana ne’e ba jornalista sira hateten, Primeiru Ministru Jeneral Taur Matan Ruak loron ne’e konvoka reuniaun alargada ho komponentis tomak Comisaun Administrasaun Fundu Infraestruturas Cafi hodi fo orientasaun rigor ba Cafi atu servisu makaas hodi rezolve lalais problema obstákulu sira nebe sai impedementu ba prosesu servisu seitor infraestruturas nian iha mandatu oitadu guvernu konstitusional. Primeiru Ministru husu ba komponente Cafi atu hasa’e velosidade ezekusaun projetu infraestrutura emerjensia nebe Guvernu aplika tanba impaktu kalamidade nebe akontese tiha ona iha nasaun laran no atinji rezultadu kualidade diak.
Primeiru Ministru mos orienta Cafi atu ezekuta diak fundus infraestruturas husi programas normal guvernu ne’ebe kontempla iha orsamentu jeral Estadu ba tinan 2022 nian. Ministru Fidelis hateten, orientasaun Primeiru ministru ba komponenti Cafi ne’e nudar diagnoza ida ba situasaun real projetus infraestruturas nebe deskobre liu husi prosesu levantamentu dadus, análize pontu situasaun to’o mudansas alterasoins legais sira no natureza prosesu hotu ligadu ho ezekusaun fundus infraestruturas nebe lao iha Guvernasaun laran duranti períodu tinan ida, no deskobre problemas konkreto sira nebe sai duni impedementu makaas ba prosesu implementasaun projetus infraestruras. [ag]