Ministru Prezidensia Konselu Ministrus Fidelis Magalhães (Foto fontes: google)

Dili– Konselu Ministru liu husi reuniaun ordenariu iha palasiu Guvernu Quarta semana ne’e aprova proposta alterasaun ba dekretu lei nú. 26/2021 loron 26 fulan Novembru. Proposta alterasaun dekretu lei nebe aprezenta husi Primeiru Ministru no hetan aprovasaun husi konselu Ministru ne’e kona ba medidas exesionál no temporáriu ba vizilansia sanitaria nian hodi hatan ba pandemia moras Covid-19.

“Ho alterasaun dekretu lei nú. 26/2022 loron 26 fulan Novembru ne maka laiha ona oráriu funsionamentu nian ba postu frontera terestre sira, hodi retorna ba ninia funsionamentu diáriu normal”, ministru dehan.
Ministru Prezidensia Konselu Ministrus Fidelis Magalhães deklara sai ba públiku iha konferensia imprenza iha palasiu Guvernu Quarta semana ne’e. Ho alterasaun nebe akontese maka fo ona mudansa aplikasaun medidas ba pasazen tama no sai iha teritoria nasional tenke sujeita ba aprezentasaun sertifikadu vasinasaun kompletu ka halo kuarentena. No laiha ona limitasaun oráriu funsionamentu nian ba postu fronteiras terestres sira hodi retorana ninia funsionamentu normal ligadu ho pasazen tama no sai iha fornteras terestres hanesan situasaun normal antes pandemia Covid-19. [ag]