Ministru Obras Públika Salvador Pires, (Foto fontes: Andre Gusmão/RAVOZ)
Dili– Ministru Obras Públika Salvador Pires iha serimonia assina akordu rehabilitasaun projetu estradas rurais iha salaun konferensia City-8 Kinta semana ne’e ba jornalista sira hateten, Ministeriu Obras Públika hamutuk ho ajensia ezekutor sira 39 assina akordu implementasaun projetu pakote rehabilitasaun estradas rurais ba dezenvolvimentu ERD 39 ba munisipiu lima hanesan Baucao, Liquiça, Covalima, Viqueque no Bobonaro.
Pakote rehabilitasaun estradas rurais 39 ho medidas distansia kilómetro 132 ne mai husi total pakotes projetus rehabilitasaun estradas rurais 66 ho medidas distansia kilómetro atus 200 resin nebe finansiadu husi orsamentu ano fiskal tinan 2021. Sei restu pakote projetus rehabilitasaun estradas rurais 27 maka oras ne’e sei iha hela faze prosesu provizionamentu. Ministru esplika, total pakote projetus rehabilitasaun estradas rurais 66 ne’e asumi medidas larguras kilómetru atus 200 resin ho total kustu finaceirus hamutuk millioins 15 dolares Americano finansiadu husi fundus infraestruturas.
Projetus rehabilitasaun estradas rurais ba dezenvolvimentu ne hetan apoiu husi guvernu Australia ho total montante orsamentu kumulativu hamutuk millioins 65 dolares Australia. [ag]