Kandidatu Prezidenti da Republika nu.6 DR. Francisco Guterres Lu-Olo, (Foto fontes; google)
Dili– Kandidatu Prezidenti da Republika nu.6 DR. Francisco Guterres Lu-Olo iha Palasiu Prezidenti Nicolau Lobato Tersa semana ne’e konfirma ba jornalista sira hateten, nia la sente lakon iha konkorensia primeira ronda eleisaun prezidensial 2022 iha loron 19 de Marsu, tanba maske nia konsege deit iha kompozisaun segundu mais votadu maibe laiha kandidatu ida manan kedas iha primeira ronda. DR. Lu-Olo rekuinsese kandidatu nu.14 DR. Ramos Horta maka konsege nudar primeiru mais votadu iha konkorensia primeira ronda maibe la manan. “Antes ne DR.Ramos Horta dehan nia manan kedas iha primeira ronda konkorensia eleisaun prezidensial maibe la manan, ne signifika Ramos Horta labele manan hau”, DR. Lu-Olo dehan. .
Dr. Lu-Olo konfessa halo ona komunikasaun diak hodi aliansa ho kandidatu sira nebe labele avansa ba segunda ronda hodi reforsa nia vitoria iha segunda ronda konkorensia eleisaun prezidensial, no afirma nakloke nia konfiansa sei manan iha segunda ronda konkorensia eleisaun prezidensial 2022. Rezultadu kontazen votus eleisaun prezidensial 2022 primeira ronda hatudu husi total votus válidus rihun atus 647.172 kandidatu prezidenti da Republika ;
1 14-DR. Ramos Horta hetan votus 301.481 ka 46,58 %
2 6-DR.Lu-Olo hetan votus 143.408 ka 22,26 %
3 9-Armanda Berta hetan votus 56.289 ka 8,70 %
4 8-Lere Anan Timur hetan votus 48.959 ka 7,57 %
- 16-Mariano Assanami hetan votus 47.008 ka 7,26 %
6 5-Anacleto Ferreira hetan votus 13.039 ka 2,02 %
7 13-Martinho Gusmão hetan votus 8.485 ka 1,31 %
8 2-Hermes Barros hetan votus 7.958 ka 1,23 %
9 7-Milena Pires hetan votus 5.335 ka 0,82 %
10 1-Isabel Ferreira hetan votus 4.165 ka 0,64 %
11 15-Felisberto Araujo hetan votus 2.615 ka 0.40 %
12 11-Constâncio Pinto hetan votus 2.474 ka 0,38 %
13 4-Rogério Lobato vetan votus 2.028 ka 0.31 %
14 12 Virgílio Guterrres hetan votus 1.685 ka 0,26 %
15 10-Antero da Silva hetan votus 1.531 ka 0,24 %
16 3-Ângela Freitas hetan votus 692 ka 0,11 %
Husi kompozisaun votus ne kandidatu nu.14 DR. Ramos Horta sai nudar kandidatu ho votus primeriu mais votadu, no kandidatu nu.6 DR. Francisco Guterres Lu-Olo sai nudar kandidatu ho votus segundu mais votadu. Tuir lei so kandidatu primeiru mais votadu no kandidatu segundu mais votadu maka sei avansa ba konkore iha segunda ronda konkorensia eleisaun prezidensial 2022. Ho nune maka kandidatu DR. Ramos Horta ho kandidatu DR. Lu-Olo maka sei avansa ba konkorensia segunda ronda eleisaun prezidensial 2022. [ag]