Fidelis Magalhães, Ministru Prezidensia Konselu Ministrus (Foto fontes: Tempo timor/google)

Dili– Ministru Prezidensia Konselu Ministrus Fidelis Magalhães iha konferensia imprenza iha palasiu Guvernu kuarta semana ne’e deklara sai ba públiku katak, Konselu Ministru iha reuniaun ordenaria loron ne’e simu no rona aprezentasaun husi Ministru Estadu asuntus ekonómika Joaquim Amaral kona ba proposta investimentu privadu husi emprensa nasional no internasional nebe iha interese hakarak halo investimentu iha área telekomunikasaun fibra ótica iha Timor Leste. Ministru Fidelis isplika, hafoin rona aprezentasaun proposta investimentu ne konselu ministru sei halo análiza klean antes halo aprovasaun iha semana oin.

Rekejitus hirak nebe investor privadu sira tenke priense maka, investimentu privadu sira tenke prinese rekejitus legais nebe lei investimentu privadu Timor Leste nian inpoint, investor privadu sira tenke priense nivel montante investimentu aplicavel iha Timor Leste, investor sira tenke revela benefisiu husi investimentu ne ba Timor Leste, investimentu privadu sira tenke rezulta efeitus pozitivu nebe kontribui ba dezenvolvimentu nasaun Timor Leste. Enkuantu parte Guvernu Timor Leste presiza konsede  interese investor privadu sira nebe halo investimentu. Espetativa guvernu relasiona ho projetu investimentu ne, atu investimentu fibra ótica ne sai projetu ida nebe efetivu no oferese duni kualidade internet ba telekomunikasaun ida diak liu ho folin baratu liu ba povu no estadu Timor Leste. [ag]