‘Maromak mak ita nia protesaun, no Ninian brasu rohan laek nian tane ita.’ Deuteronomio 33: 27

Hanoin to’ok liafuan sira-ne’e husi Margaret fishnback Powers: kalan ida ha’u mehi… Ha’u la’o hamutuk ho ha’u-nia Na’i iha tasi-ibun. Hau hateke sae ba kalohan ne’ebe nakukun hatudu hela hau nia cenas moris nian. Kada cenas sira ne’e , ha’u haree ain-fatin rua iha rai-henek laran, ida ha’u-nian no ida seluk ba Nai nian. Bainhira cena ikus iha hau nia moris, ha’u hateke fali ba kotuk ho ain-fatin iha rai-henek laran. Iha de’it pakote ida… Ha’u fiar katak ida-ne’e iha tempu ne’ebé ki’ik liu… iha ha’u-nia moris. Ne’e sempre halo ha’u laran-taridu, no ha’u husu na’i kona-ba ha’u-nia dilema. “Na’i, Ita hatete mai ha’u kuandu ha’u deside atu la’o tuir ita, ita sei la’o ho ha’u iha dalan hotu. Maibé ha’u hatene katak durante tempu susar liu hotu iha ha’u-nia moris iha de’it ain-fatin sorin ida. Ha’u la komprende tansá, kuandu ha’u presiza liu ita, ita husik ha’u. ” Nia bisu-bisu: “Ha’u-nia oan ne’ebé folin-boot, Ha’u hadomi ó no Ha’u sei nunka husik ó durante ó-nia susar no terus sira. Kuandu ó haree ain-fatin ida de’it, Ha’u mak sei kous ó! ”

No se ita presiza sente kmaan liutan, lee eskritura sira tuirmai ne’e: Na’i mak ida-ne’ebé la’o uluk liu ita; Nia sei hamutuk ho ita. Nia sei la husik ó no nia sei la abandona ó. Keta ta’uk, keta laran-taridu. (Deuteronomio 31: 8)

Tan ne’e, ita bele hatete ho aten-brani: “Na’i mak ha’u-nia ajuda-na’in. Ha’u sei la ta’uk. Saida mak ema bele halo ba ha’u? (Ebreu 13: 5 – 6)

Ohin loron, Maromak hamutuk ho ita.

Aihan Espiritual: Jo 35 – 37, MT 25: 14 – 21, Aal 38: 1 – 12, PR 8: 22 – 23.