Deputadu Bankada Fretilin Fabião de Oliveira (foto fontes: tempotimor.com/google)
Dili– Deputadu Bankada Fretilin Fabião de Oliveira iha plenaria Tersa semana ne’e husu Guvernu ko’a birokrasia no hamenus regulamentu iha sistema servisu Ospital Nasional Guido Valadares tanba implika atendementu saúde tarde ba populasaun moras.
Deputada bankada CNRT Lucia Taiki konsidera birokrasia atendimentu saúde kleur iha ospital no sentru saúde sira tarde nudar mal jestaun Guvernu nebe halo transferensia doutor espesialista hotu husi ospital nasional no konsentra doutor espesialista sira iha servisu manajementu Ministeriu Saúde.
Deputada bankada Frenti mudansa Isabel Maria Ximenes foka nia pressaun ba governu atu hare no solusiona kondisaun limitasaun kapasidade Sentru Saúde Comoro tanba labele fo atendimentu efetivu ba populasaun moras barak nebe ba halo tratatamentu.
Ekuantu deputada bankada CNRT Maria Fernanda Lay koloka dúvida ba seguransa saúde vasina Pfizer iha ospitais munisipais sira tanba laiha garantias funsionamentu diak konjelamentus hodi asegura seguransa vasina Pfizer tanba laiha estabilidade enerjia eletrisidade. [mf]