Dili– Ministru obras públiku Abel Pires iha palasiu Guvernu Kuarta semana ne’e ba jornalista sira hateten, Ministeriu Obras Públiku ho Kafi sei servisu hamutuk hodi rezolve problema projetus barak nebe paradu hela no rezolve problema kualidade projetu nebe kestionavel. Ministru konfessa duranti ne’e projetu barak la implementa ho diak tanba sistema birokrasia aplikvael sai obstákulu nebe satan andamentu  ezekusaun projetus iha velosidade no ezekusaun no kualidade projetu,”Sistema birokrasia ne ita ema maka halo, wainhira sistema birokrasia ne sai ona fator obstákulu maka presiza hadia”, dehan ministru.

Ministru Abel Pires la mensiona númeru  serteza projetu nebe laiha kualdiade no paradu hela durante ne’e maibe ministru promete ho konfiansa tomak katak, ho ekipe akompañamentu nebe estabelese Ministeriu Obras Públiku sei halo esforsu hodi finaliza projetu sira nebe abandonadu, liu-liu rekoperasaun projetus sira nebe rezulta husi kalamidade. Tipu projetu barak nebe paradu hela no presiza rezolve ne hanesan projetu estradas no pontes iha munisipius sira. [ag]