‘Jefte, ema Gilead, mak asuwain ida ne’ebe iha forsa. Nia mak oan mane husi feto luroon.’ Juis 11: 1

Jefte oan ilejítimo (haram) husi mane ida ne’ebe naran Gilead. Ninia inan mak feto-aat. Bainhira nia sai boot, Gilead nia oan-mane ne’ebé lejítimu (sah) sira duni tiha nia. Sira dehan: “O sei la hetan ami-nia aman nia liman-rohan.” (Juizes 11: 2) tan ne’e nia ba hela iha fatuk-kuak. Bainhira nia iha ne’ebá, nia halibur grupu tropa nian ne’ebé fuik no rebelde no nia halibur sira no treina sira hodi sai tropa ne’ebé boot no makaas. Bainhira ema Amon ameasa ema Izraél, katuas sira ajuda nia.

“Maibe Jefte hatete ba sira: “Imi laos odio ha’u no duni sai ha’u husi ha’u-nia aman nia uma? Tanbasa mak agora ó mai hasoru ha’u kuandu ó hasoru susar? ” Katuas sira hatán: “Tanba ami presiza ita.” “Se ita dirije ami atu halo funu hasoru ema Amon, ami sei halo ita-boot sai ukun-na’in ba povu Gilead tomak.” (Juizes 11: 7 – 8) laos ne’e de’it, Jefte mak lori sira manán, nia hetan naran ho onra iha Bíblia hamutuk ho ema hanesan Abraao, Moises, no David. Ninia moris iha folin-boot tebes.

Importante ida: rejeitasaun bele sai parte husi Maromak nia planu ba ita-nia moris. Nia la simu Jefte tanba razaun ne’ebé nia la bele kontrola. Maibé duke sai Moruk, nia muda no halo buat ne’ebé di’ak iha ninia moris. Karik ema la simu ita tanba ita ferik-katuas, joven, matenek-na’in, hanoin-sala, bonita, privilejia, bonita, ladún di’ak, la iha serbisu, mane, feto, mutin, metan, no seluk tan. Husi Maromak nia grasa, Jefte, mak ema ne’ebé moris ho situasaun kapás. No se ita entrega ita nia situasaun ba Maromak ohin loron, Nia grasa mos bele ajuda ita.

Aihan Espiritual: Lev. 5 – 7, MT 28: 11 – 15, Sal 72: 1 – 11, PR 9: 1 – 6.