‘Ha’u fó sai buat ne’ebé ha’u fó sai; antes sira mai, ha’u hatete ba sira. Isaias 42: 9

Ema sira ne’ebe uluk iha sidade ne’ebe hare ladiak no duni sai Jefte mak husu fali Jefte nia ajuda, bainhira sira hetan ameasa husi inimigu. Ida-ne’e mak lisaun ida: ema seluk la determina ita nia futuru, Maromak mak determina!

Na’i hatete: “Tamba Hau hatene hau nia planu ne’ebe Hau halo kona bai mi, hateten Nai, planu dame nian no laos planu aat hodi fo futuru ne’ebe iha esperansa” (Jeremias 29: 11) Maromak nia planu ba ita sei manán planu sira seluk iha ita-nia moris.

Haree to’ok lisaun rua: Unidade la’o hamutuk presiza ko’alia ho Unidade. Jefte harii kedas relasaun foun. Jefte haruka ema lori lia-menon ba Liurai Amon, hodi husu: “Ita bo’ot nia problema saida ho hau mak ita-boot mai atu ataka hasoru ha’u no ha’u-nia rai?” (Juizes 11: 12) haree to’ok liafuan “Ha’u no ha’u-nia rai”. Nia husik no haluha nia passadu.

Debora Pegues hakerek: ‘Nia prontu ona atu la’o ho Unidade. No la’o ho Unidade presiza ko’alia hamutuk. Se ita mak ko’alia kona-ba Unidade, ita sei hakfodak ho ida-ne’e bainhira ita hare impaktu husi ita nia hanoin no relasaun ne’ebe unidade.

Bíblia hatete: haka’as an atu nafatin iha Unidade iha espíritu no kesi metin imi-nia an ho dame. (Efeso 4: 3)

Aihan Espiritual: 2 Cron 7: 12 – 16, MT 6: 5 – 15, Lucas 18: 1 – 8.