Refujiadu Ukrania foin to’o, hein bis iha sidade ai-moruk atu lori ba fatin seguru ida (foto: dok).
Rúsia nia invazaun ba Ukrania desloka ona ema milhaun 7.1, tuir relatóriu foun.
Relatóriu husi Organization for Migration (OIM), ne’ebé inklui dadus husi loron 24 Marsu to’o loron 1 Abríl, hetan ema ne’ebe lakon sira nia hela fatin sa’e 10% desde primeira volta levantamentu iha semana rua antes.
Diretor Jerál OIM António Vitorino hatete iha komunikadu imprensa, “ema kontinua halai-sai husi sira-nia uma tanba funu, no presiza kontinua atu kontinua surgem.”
“Presiza urjente tebes atu fasilita evakuasaun ne’ebé seguru ba populasaun sivíl no garante transporte ne’ebé seguru no prestasaun asisténsia umanitária ne’ebé mak presiza tebes atu tulun lalais sira ne’ebé mak refujiadu.”
Relatóriu ne’e deskobre katak liu 50% hosi uma-kain sira ne’ebé halai-sees iha oan, 57% iha seniores, no 30% sofre moras krónika.
Deslokadu sira-ne’e hetan rendimentu ne’ebé tun maka’as, tersu ida husi sira-ne’e dehan katak sira laiha rendimentu durante fulan kotuk, relatóriu ne’e hateten.
Refujiadu sira-ne’e presiza ai-han, uma-mahon, produtu ijiene, ai-moruk no servisu saúde, relatóriu ne’e hateten. [mf]