Entaun eskolante sira seluk hateten ba nia: ami hare Nai! Maibe Tomé hateten ba sira dehan: bainhira hau seidauk hare fatin pregu iha nia liman no bainhira hau seidauk tau hau nia liman fuan iha pregu fatin iha Nia liman fuan iha Nia kabun sorin ne’e, hau sei la fiar.’ João 20: 25

Tomé laiha ne’eba wainhira Jesus mosu no hatudu aan ba ninia dixipulu sira depois nia moris hi’as. No hanesan mos ho ita barak, ema seluk nia esperiénsia la to’o ba Tomé – nia rasik mak tenke iha esperensia ida ne’e. No Jesus fó fiar ba sira katak nia hetan duni. Hanoin to’ok kona-ba ne’e, nia la hamonu Tomé. Nia komprende katak pergunta ruma ne’ebé mosu husi laran-moos ne’e laos pergunta persepsaun nian, maibé pergunta ne’e buka lia-loos.

Bíblia hatete: liu tiha loron ualu, ninia dixipulu sira tama fali ba uma-laran no Tomé hamutuk ho sira. Jesus mai… no hamriik iha klaran, no dehan: “dame hela ba imi!” Tuirmai, Nia hatete ba Tomé: “lolo ó-nia liman-fuan iha-ne’e, no hare ba ha’u-nia liman; lolo ó-nia liman no tau iha hau kabun sorin kuak ne’e. o keta la fiar tan, maibe fiar ba!” (Joao 20: 26 – 28)

Ita aprende lisaun importante rua husi istória ida-ne’e:

(1) Tuir loloos, ita-nia dúvida bele lori ita ba fiar ne’ebé foun. Tan ne’e, kuandu ita-nia situasaun sai aat ba beibeik, ita la bele fiar katak buat ne’ebé akontese iha mundu ne’e sei lori susar ba ita-nia moris. Ita bele fiar katak Maromak sei hatán ita-nia pergunta sira. Nu’udar ita la’o liu husi dalan sira-ne’e, ita bele hetan fiar ne’ebé foun.

(2) Ita-nia dúvida bele book ita atu iha relasaun ne’ebé kle’an ho Jesus. Ema seluk nia sasin sei lori de’it ó to’o ohin loron. maibé ikusmai, ó presiza duni ó rasik nia esperiénsia ho Na’i. No ó bele iha duni! Tan ne’e, Thomas komesa laran-rua kona-ba Jesus no ikus mai nia mate nu’udar martir ida-ne’ebé iha perigu laran. Hanoin to’ok kona-ba ne’e!

Aihan Espiritual: lev 18-20, Marcos 1: 21 – 28, Sal 25: 16 – 22, PR 10: 2.