Kandidatu Prezidenti Republika Ramos Horta (Foto Andre Gusmão)
Soibada – Kandidatu Prezidenti Republika Ramos Horta iha nia diakursu politiku iha nia kampainya eleisaun prezidensial iha kampo resinto eskola Colegio postu administrativu Soibada, munisipiu Manatuto Kinta semana ne’e hateten, wainhira nia eleitu ba Prezidenti Republika 2022-2017, nia sei hatur hikas fali konstituisaun RDTL nebe tuir nia monu tiha ona no halo Estadu Timor Leste lakon ona reseu internasional.
Ramos Horta konsidera Timor Leste oras ne’e hela ona iha perigu laran tanba konstituisaun RDTL monu ona, ekonomia nasaun monu ona. Tanba ne nia sei halo dialogu diak ho entidades pulitiku sira inklui Fretilin, no tenke hare didiak situasaun politika hafoin elesaun Prezidensial wainhira nia hakarak desolve Parlamentu Nasional. Tanba atu desolve Parlamentu Nasional presiza aliansa maioria parlamentar foun ida. “ita tenke buka dialogu ho parte pulitiku hotu, inklui Fretilin hodi estabiliza situasaun pulitika”, nia dehan.
Ramos Horta mos revela nia misaun sei ajuda Guvernu atu promove dezenvolvimentu iha seitor hotu no halo ekilibriu dezenvolvimentu ba munisipiu hotu. Promove rejiaun Oecusse tenke sai sentru rejional kumersiu.
Promove kumersiiu kreativu ba populasaun sira iha fronteira terestre entre Timor Leste ho Indonesia, no halo promusaun makaas ba valores ekonomiku nasaun nian iha seitor turizmu no seluk ba mundu hodi hetan investimentu internasional. [ag]