Kandidatu Prezidenti Republika DR. Ramos (foto: gmp.gv.tl/google)
Baucau– Kandidatu Prezidenti Republika DR. Ramos Horta iha nia diskursu ba dialogu politiku iha Fatumaca Baucau Sabadu semana ne’e hateten, Prezidenti Republika nia knaar so fo hanoin deit ba Guvernu atu asumi knaar ezekutivu ho diak Ramos Horta hateten,
Dezenvolvimentu Nasaun ida labele Estadu deit maka halo, maibe komponenti seitor privadu tenke bok an, maibe atu seitor pivadu bele bok an, lei sira no justisa labele sai fali obstakulu ba seitor privadu maibe tenke klaru no fo apoiu efetivu ba seitor privadu nia servisu. Estadu tenke oferese meius oioin nebe suporta seitor privadu hodi bele produtivu.
Tuir Ramos Horta, Estadu bele halo deit infraestruturas bo’ot sira hanesan estrada, eletrisidade ponte, portu no aeroportu, fasilidades saude, fasilidade edukasaun no seluk. Atu nune seitor privadu bele loke agrikultura, loke hotel no restaurante no seluk nebe seitor pricadu bele halo.
Ramos Horta iha nia mini kampainya iha lokraik iha kampo futebol Triloka Baucau koloka nia fokuas materia kona ba rekonsiliasaun pulitika. Ramoa Horta planeia sei propoin Guvernu inkluzaun ida forte nebe akumula ema huai partidu Fretilin no partidu sira seluk ho lideransa Xanana Gusmao nudar Primeiru Ministru hodi hametin ekonomia nasaun, no hametin dame no demokrasia nian.
“Hafoin kampainya ho konfrontasaun makaas ba malu, no hafoin Eleisaun Prezidensial ramata, ita tenke hanoin ba futuru nasaun Timor Leste ne’e, nia dehan. Ramos Horta deklara, wainhira Lu-Olo maka eleitu nudar Prezidenti Republika, nia rasik sei ba kumprimenta Lu-Olo, nune mos se wainhira nia maka eleitu nudar Prezidenti Republika, nia mos sei ba kumprimenta Lu-Olo.
Hosi sorin seluk diretor eskola Colegio Fatumaca Pe. David Savio iha nia servisu fatin iha Eskola Fatumaca Sabadu semana ne’e koalia ba Radio Voz dehan, kandidatu rua DR. Lu-Olo no DR. Ramos Horta ida-idak iha valor diak maibe mos ida-idak iha defeitus, importante liu maka kandidatu rua ne se maka eleitu nudar Prezidenti tenke aplika iha pratika promesa hotu nebei sira hatoo ba povu iha kampainya katak, Prezidenti Republika maka simbulu unidade Nasional, komandante supremu F.FDTL, nudar aman ba Nasaun, nudar garantor no defensor konstituisaun, no dudu Guvernu halo dezenvolvimentu diak ba povu. [ag]