Ministru Finansas Rui Gomes (foto: timorpost.com)
Dili– Ministru Finansas Rui Gomes iha nia aprezentasaun ba forum diskusaun progresu atinjimentu Guvernu iha edifisiu ministeriu Finansas tersa semana ne’e hateten, Timor Leste goza hela vantazen sistema impréstimu konsesional ka impréstimu ho funan kik tebes kompara ho impréstimo komersial nebe ho nia funan bot tebes. Tanba ne Guvernu Asina ona akordu impréstimu osan ho montante miloins 731.580 Dolares Americano. Montante impréstimo ne’e mai husi fontes Banco Mundial, Banco dezenvolvimentu Azeátiku, no mai husi ajensia interansional Jaica Japaun.
Ministru esplika, husi total impréstimu ne millioins 474 dolares Americano ka 67% Guvernu aloka ba dezenvolvimentu infraestruturas estradas, Milioins 185 ka 16% aloka ba dezenvolvimentu telekomunikasoins, no milioins 122 dolares Americano ka 17% aloka ba dezenvolvimentu seitor sosial edukasaun no saude. Guvernu konsienti impréstimu ne nudar modalidade ida nebe kualiade diak, seguru no sustentavel ba nasaun kompara ho Guvernu tenke foti hela deit osan husi fundu minarai no gasta hotu ke bele prezudika sustentabilidade nasaun iha futuru.
Guvernu mos sei halo asinatura akordu ida ho parseiru investidores sira iha tempu badak nebe orienta ba dezenvolvimentu bé-mós no dezenvolvimentu eletrisidade nebe sei benefisia Estadu no povu atu goza eletrisidade kualidade diak, seguru no estavel atu labele estraga aparelu sira instituisaun hotu Estadu nian no labele estraga aparelu privadu sosial sira iha povu ida-idak nia uma. [ag]